۲۲ ستمبر ۲۰۲۰ء

عسکری قیادت کا کہنا ہے کہ فوج کا سیاست سے کوئی تعلق نہیں ہے، جبکہ اپوزیشن جماعتوں کا موقف ہے کہ کوئی بالاتر قوت قومی سیاست کو جمہوریت کے ٹریک پر نہیں آنے دے رہی۔ اس صورت میں سیاسی اور عسکری دونوں قیادتوں کی ذمہ داری بنتی ہے کہ وہ اس بالاتر قوت کی نشاندہی اور نقاب کشائی کریں جو مسلسل سات عشروں سے اسلامی جمہوریہ پاکستان کو اسلام، جمہوریت اور خودمختاری کے دائرے میں شامل ہونے سے روکے ہوئے ہے۔